Selfie
noon, upang malitratuhan ang sarili
pakikiusapan ang iba sa diskarte
kamag-anak, kakilala, best friend, kumpare
sila ang pipitik sa kamera, ang siste
ngayon, may makabago nang teknolohiya
ang mga selpon ay mayroon nang kamera
iayos ang kamerang sarili'y puntirya
habang tangan mo ang selpon, pitikin mo na
noon, bibili ka pa ng film, thirty six shot
kaya bawat pitik ay mahalagang sukat
ngayon, mapipitik na kahit sanlibong shot
basta memory'y di puno, kuha mo'y sapat
kayang mag-selfie kahit nagsosolo ka lang
may litrato ka mag-isa mang nagdiriwang
- gregoriovbituinjr.
06.07.2022
Mga Komento
Mag-post ng isang Komento