Tarang magkape

TARANG MAGKAPE

tarang magkape ngayong gabi
sa isang katoto ay sabi
habang narito't nawiwili
sa mga kwentong namumuni

magpalitan ng kuro-kuro
katulad nitong ChaCha't sweldo
kumusta ang mga obrero
na kontraktwal pa rin ang isyu

tarang magkape at mag-usap
ng lipunang pinapangarap
paano ginhawa'y malasap
ng kapwa natin mahihirap

tarang magkape, kaibigan
habang tayo'y nagkukwentuhan
ng nasa diwa't kalooban
at sa problema'y kalutasan

- gregoriovbituinjr.
03.11.2024

Mga Komento

Mga sikat na post sa blog na ito

Usapang manok

Pahinga muna ako ng isang buwan

Ayusin ang sistemang pangkalusugan