Alapaap

ALAPAAP

narito na namang nakatitig sa alapaap
matapos magluto't maghugas, muling nangangarap
sa patay na oras, sa buhay na aandap-andap
habang tirik ang araw, sa kanyang buong paglingap

ilang oras magninilay at tatambay sa init
habang inaasam ang paggaling mula sa sakit
nasa kabundukang animo'y kaylapit ng langit
kulang na lang ay largabista pag gabing pusikit

maputing alapaap at luntiang kabundukan
sariwa ang hangin at mapunong kapaligiran
masukal na gubat at katabi mo'y kalikasan
tila paraiso itong iyong kagigiliwan

bagamat kaygandang paligid, layon ba'y narito
o ito'y paglayo lamang sa problema ng mundo
ako'y isang tibak na tangan sa puso'y prinsipyo
na may misyong itayo ang lipunang makatao

- gregoriovbituinjr.
10.18.2021

Mga Komento

Mag-post ng isang Komento

Mga sikat na post sa blog na ito

Usapang manok

Imahe
USAPANG MANOK tatlong manok ang nakatali doon sa kulungan habang manok na nasa laya'y nakatanghod lang marahil napag-usapan nila ang kalayaan masarap ang buhay sa laya, ang nasabi naman patungong bitayan na ba ang tatlong nakakulong? nagpiit ba sa kanila'y naghanda na ng gatong? nagawa lang ng tatlong manok ay bumulong-bulong tanong ng manok sa laya, anong maitutulong? baka naman manok ay kanilang aalagaan o palakihin ang magiging magilas na tandang o paiitlugin ang magiging inahin naman ngunit sa may-ari ng manok yaong kapasyahan natapos agad ang kanilang munting pag-uusap nang kulungan ay kinuha agad sa isang iglap dadalhin sa kung saan, bibitayin na bang ganap? o sila'y aalagaan ng may buong paglingap? - gregoriovbituinjr. 10.24.2021
Magbasa nang higit pa

Ayusin ang sistemang pangkalusugan

Imahe
AYUSIN ANG SISTEMANG PANGKALUSUGAN libu-libo na'y tinamaan ng coronavirus ano nang tugon sa kalagayang kalunos-lunos wala nang pwesto sa ospital, mga kama'y kapos sa ganyang sistema, bayan pa ba'y makakaraos anong tugon ng pamahalaan sa panawagang dapat nang ayusin ang sistema ng kalusugan na di sisisihin ang pasaway na mamamayan na di karibal sa pulitika ang tututukan kundi pag-isipang mabuti anong dapat gawin kundi pag-usapang mabuti't pagkaisahan din sistemang pagkalusuga'y paano paunlarin kongkretong kalagayan ng bansa'y pakasuriin "kalusugan ay serbisyo, huwag gawing negosyo" ito'y sigaw ng maraming mamamayan sa mundo ito'y dapat maging paninindigan ng gobyerno upang di masalaula nitong kapitalismo tiyakin ding walang tanggalan sa mga pabrika kahit may pandemya't sunud-sunod na kwarantina itigil na gawing kontraktwal ng kapitalista ang manggagawang regular sa kanilang kumpanya pagbabakuna lang ba ang nakikitang solusyon? face shield, f
Magbasa nang higit pa

Paskil

Imahe
PASKIL kailangan pa tayong paalalahanan minsan kundi man madalas dahil iyon ang kailangan lalo't wala tayo sa ating sariling tahanan tapon dito, tapon doon, tapon kung saan-saan kaya kailangan pang maglagay ng simpleng paskil madalas daw wala sa sarili, tila inutil nagtatapon kung saan-saan, nakapanggigigil kaya nagpaalala upang ito na'y matigil Please read:  Basahin ang pakiusap sa mamamayan lalo na sa gumagamit ng kanilang kainan payak lang:  Pakitapon ang kalat sa basurahan! Clean as you go!  Kung may kalat ay may pagtatapunan buti na lang, may basurahan, paano kung wala ang sariling basura'y ayaw ibulsa ng madla sa natapos gamitin ay nandidiri nang sadya ito man ay ketsap, plastik, o sa tisyu dumura kolektibong kaugnayan, nag-iisang daigdig pumapangit na kalikasan, sinong mauusig sa wasak na kapaligiran, sinong nalulupig sa pagpabuti ng mundo, tayo'y magkapitbisig - gregoriovbituinjr. 01.10.2022 * nilitratuhan ng makatang gala ang paskil sa lamesa ng isang pamilihan
Magbasa nang higit pa