Ang gawain kong pagsasalin

Ang gawain kong pagsasalin

may kompyuter na't wifi, mayroong teknolohiya
magsalin ng Ingles sa Filipino'y madali na
subalit pag ninamnam mo ang salin mong binasa
minsan, mali ang kahulugan sa iyong panlasa

kaya ako'y nagsasalin sa mahabang estilo
bawat pangungusap ay isusulat sa kwaderno
di laging literal na salita, unawain mo
upang iyong makuha ang kahulugan ng wasto

di lang bolpen at kwaderno ang iyong gagamitin
kundi dalawang wika'y kabisado mo't namnamin
nirerepaso't binabalikan ang mga salin
pangungusap at talata'y dapat mong unawain

kung Pluto'y dwarf planet, ang salin ba'y dwendeng planeta
gayong di ito dwende kundi maliit sa iba
dwarf dahil maliit, di dahil dwendeng may mahika
mainam bang Pluto'y tawaging punggok na planeta

suriing mataman ang nakapaloob na diwa
na nais iparating sa madla niyong may-akda
upang kahulugan sa salin ay walang kawala
upang manamnam mo ang lasa ng bawat salita

salin ng salin, dapat batid ang sariling sulat
upang sa kompyuter ay maitipa ng maingat
diksyunaryo ng mga salita'y tangan ding sukat
bilang sanggunian kung ang salita'y nararapat

- gregoriovbituinjr.

Mga Komento

Mag-post ng isang Komento

Mga sikat na post sa blog na ito

Usapang manok

Imahe
USAPANG MANOK tatlong manok ang nakatali doon sa kulungan habang manok na nasa laya'y nakatanghod lang marahil napag-usapan nila ang kalayaan masarap ang buhay sa laya, ang nasabi naman patungong bitayan na ba ang tatlong nakakulong? nagpiit ba sa kanila'y naghanda na ng gatong? nagawa lang ng tatlong manok ay bumulong-bulong tanong ng manok sa laya, anong maitutulong? baka naman manok ay kanilang aalagaan o palakihin ang magiging magilas na tandang o paiitlugin ang magiging inahin naman ngunit sa may-ari ng manok yaong kapasyahan natapos agad ang kanilang munting pag-uusap nang kulungan ay kinuha agad sa isang iglap dadalhin sa kung saan, bibitayin na bang ganap? o sila'y aalagaan ng may buong paglingap? - gregoriovbituinjr. 10.24.2021
Magbasa nang higit pa

Ayusin ang sistemang pangkalusugan

Imahe
AYUSIN ANG SISTEMANG PANGKALUSUGAN libu-libo na'y tinamaan ng coronavirus ano nang tugon sa kalagayang kalunos-lunos wala nang pwesto sa ospital, mga kama'y kapos sa ganyang sistema, bayan pa ba'y makakaraos anong tugon ng pamahalaan sa panawagang dapat nang ayusin ang sistema ng kalusugan na di sisisihin ang pasaway na mamamayan na di karibal sa pulitika ang tututukan kundi pag-isipang mabuti anong dapat gawin kundi pag-usapang mabuti't pagkaisahan din sistemang pagkalusuga'y paano paunlarin kongkretong kalagayan ng bansa'y pakasuriin "kalusugan ay serbisyo, huwag gawing negosyo" ito'y sigaw ng maraming mamamayan sa mundo ito'y dapat maging paninindigan ng gobyerno upang di masalaula nitong kapitalismo tiyakin ding walang tanggalan sa mga pabrika kahit may pandemya't sunud-sunod na kwarantina itigil na gawing kontraktwal ng kapitalista ang manggagawang regular sa kanilang kumpanya pagbabakuna lang ba ang nakikitang solusyon? face shield, f
Magbasa nang higit pa

Paskil

Imahe
PASKIL kailangan pa tayong paalalahanan minsan kundi man madalas dahil iyon ang kailangan lalo't wala tayo sa ating sariling tahanan tapon dito, tapon doon, tapon kung saan-saan kaya kailangan pang maglagay ng simpleng paskil madalas daw wala sa sarili, tila inutil nagtatapon kung saan-saan, nakapanggigigil kaya nagpaalala upang ito na'y matigil Please read:  Basahin ang pakiusap sa mamamayan lalo na sa gumagamit ng kanilang kainan payak lang:  Pakitapon ang kalat sa basurahan! Clean as you go!  Kung may kalat ay may pagtatapunan buti na lang, may basurahan, paano kung wala ang sariling basura'y ayaw ibulsa ng madla sa natapos gamitin ay nandidiri nang sadya ito man ay ketsap, plastik, o sa tisyu dumura kolektibong kaugnayan, nag-iisang daigdig pumapangit na kalikasan, sinong mauusig sa wasak na kapaligiran, sinong nalulupig sa pagpabuti ng mundo, tayo'y magkapitbisig - gregoriovbituinjr. 01.10.2022 * nilitratuhan ng makatang gala ang paskil sa lamesa ng isang pamilihan
Magbasa nang higit pa